لو سمحتوا الله يوفقكم ممكن تفسرون حلمي ؟؟ ( ضرووري )

حلمت أني أنا وأمي في السوق ، واللي يشتغلون في هذا السوق رجال من شرق آسيا زي مثلا الفلبين و اليابان …الخ

بعد كذا جت امي للمحاسب تبي تحاسب ، وهي تحاسب حطيت يدي على طاولة المحاسب ، وكنت لابسه خاتم من ذهب بعدين شافوني هذولي الرجال اللي من شرق آسيا

و يقولون لي : ليش تسرقين الخاتم حقنا ؟ عاد انا جالسه اقولهم ان الخاتم حقي ومهب حقهم وما خذته منهم !

المهم ، هم ما اقتنعوا بكلامي اني صادقه ،، بعدين قمت اركض من بين زحمه الناس ، عشان ما يخذون الخاتم "حقي" وانا اركض يلحقني الرجال اللي من شرق آسيا يبي الخاتم ..

المهم انتهت المطارده ، و طلعنا من عماره السوق و كانوا حراس عماره السوق شرطه سعوديين .

ركبت سيارتنا وقالوا لي أمي وابوي ليش ما عطيتيهم الخاتم ؟ وجلسوا يقنعوني اني اعطيهم اياه

وقالوا الوالد والوالده ان بدل الخاتم يبي يعطونك بــ قيمت هالخواتم فلوس .

وكان اخوي اللي يدرس في متوسط وده اني اعطيهم الخواتم ..

المهم ابوي وامي يقنعوني وانا متمسكه بالخواتم الذهب اللي في يدي واقولهم (مستحيل ) اعطيهم خواتمي هذولي حقاتي ..

و بعد كلام امي وابوي فسخت خاتمين من هالخواتم وانا افسخ الخاتم ، أفسخه وانا متعلقه فيهم ونفسي متمسكه بشده وما ودي افسخهم .

وانا افسخه ضحك اخوي فرحان اني ابعطيهم اياه وقمت من القهر ومخشت وجه اخوي..

وبس انتهى الحلم .. و لا ادري هل انا عطيتهم الخواتم او لا ؟ لأن انتهى الحلم .

………………………………………….. ………………….

الغريب اللي في الحلم " أني متمسكه بالخواتم واحب هذي الخواتم من قلبي ، بس امي وابوي يقنعوني اعطيهم الخواتم ؟؟؟

طبعا في بداية الحلم كان عدد الخواتم ( واحد ) ويوم ركبت السيارة كان عددها مايقارب (تقريبا والله أعلم ثــلاثــة )

والخواتم من ذهب و مزخرفه . و كنت لابستهم في يدي اليسار في أصبعي ( البنصر )

………………………………………….. ………

عمري : 20 سنه ــ غــير متزوجـــه ــ طالبة في الكلية