بسم الله الرحمن الرحيم
السلام عليكم ورحمة الله وبركاته
للخالات فقط ..
تتوقعون فيه فرق بين لما تكون الواحده عمه وبين لما تكون خاله ؟؟
عن واقع تجرية أقدر أقول إيه فيه فرق وفرق كبير بعد
مشاعر الحب والحنان تجاه أولاد الأخت تختلف عنها تجاه أولاد الأخ
تكون أكبر أعظم أشد أقوى … <<< باقي صفة ماقلتها
صراحة ما أدري إذا كان هذا بس بالنسبة للمرأه
أنا عن نفسي أموت في عيال أختي لدرجة كبيره
ومهما قعدت معاهم ولعبتهم ما أشبع منهم
لدرجة أقول إن مافيه حل غير إني آكلهم أكل
وأختي تقول لي حتى لو أكلتيهم شكلك ماراح تشبعين
طبعا هذا بس لما يكونون لسا صغار خمس شهور إلى سنة سنتين ثلاث
تقريبا لحد مايدخلون المدرسة بعدين يصيرون عاديين خخخخخ <<< تقصد
يبيخون
أصلا تتغير أشكالهم كثير وتتغير أطباعهم بعد
خاصة بعد الدلع إلي دلعناهم إياه
بس مو معنى كذا إني ما أحب عيال أخواني
بالعكس عزيزين وغاليين وأحبهم كثير
وأشتاق لهم وأفقدهم
لكن مو مثل عيال اختي فرق فرق فرق
العيال غالبا يتبعون أمهم فبكذا يكونون أقرب لخوالهم أكثر من عمامهم
مثلا عيال أخوي احنا نفرح بدخلتهم علينا البيت
لكن مو مرة
بينما إذا دخلوا بيت أهل زوجة أخوي
يطيرون فيهم من الفرحة وتتخطفهم الأيادي
سبحان الله !!
وجهت السؤال هذا لكثير من صديقاتي
فأيدوني في إن مشاعر الخالات تختلف عن مشاعر العمات بشكل واضح
والحين أقولكم :
ياترى تحسون بنفس الشعور ؟؟
منقول
