اليوم سويت حلا طلع طعمه رهيب ..
جربوا على مسؤوليتي خخخخخ
الموهم جيت طحنت خبز توست
وكان عندي شوي بسكوت شاهي كسروه عيالي ولاأكلوا منه وتحسفت فيه وطحنته مع خبز التوست >>أحب اقدر النعمة … قدروا النعمة الله يرفع قدركم .. 
الموهم أضفت لخبز التوست فنجالين سكر وخلطته معه
بعدين ذوبت قليل من الزبده
حجم الزبده حقتي 400 غرام >>>كبر راسي
أنا ذوبت أقل من ربعها ..
بعدين فركت خبز التوست والبسكوت والسكر بزبده ورصيتها بالصينية
بعدين خلطت في الخلاط :
بيضة
وعلبة قشطة
وكيس كريمه
علبة حليب سايل (ابو قوس)
وملعقتين زبدة فول سوداني >>>>علي حلف من يوم سويت الحلا اللي قبله اني احط زبدة فول سوداني
فنجالين سكر
نص ملعقة صغيره فانيليا
ونخلطهم مع بعض زين
ونصبها فوق الخبز …
طبعا نكون سبق واننا شغلناالفرن قبل بشوي
وندخلها الفرن لمدة ما يقارب ربع ساعة حتى تجمد الخلطة اللي فوق الخبز
بعدين لما نطلعها نخليها تبرد شوي …
ونخلط في الخلاط :
علبة قشطة
بيالة محلول حليب بودره
واحد مارس
ملعقة صغيره نسكافيه
وملعقة صغيره مسحوق الكاكاو (نسكويك)
وإذا حبيتي تضيفي سكر أضيفي حسب الرغبة
ونخلطهم مع بعض …
ونصب الخلطه فوق الخلطة الأولى بس أهم شي تكون بردت شوي
طبعا مالقيت شيء أزين الوجه فيه قلت يابنت جربي واكتبي عليها طلعي مواهبك يمكن يختارونك ضمن الموهوبين
وعاد بديت اكتب عليها اللي يشوفني وانا أكتب يقول فيها حالة ولاده ولاخط وحده في أولى ابتدائي
عاد يوم شفت ان الدعوى كذا والخط ماااااش
قلت يابنت حدك الشخابيط على الجدران >> شخبط شخبط على جداره ……. خرب جدران أهل الحاره
وكمان لازم نشخبط ونشخمط ونخربش لأسباب أمنية هههههههههههههه
وندخلها الثلااااااااااااااااااااااااااااااااااااااجة
وبالعاااااااااااااااااااااااافيه …
اسمحوا لي يا مشرفات الطبخ بما أن الأختم متعطله لحين اشعار آخر
ما ابغى انشب في حلوقكم واقول وين التميز فلا تخافون قمت بالواجب ههههه
وسلاااااااااااااااااااااااااااااااااااامتكم
