كيفكم يا بنات ؟!
اليوم كان عندي اجازه من العمل ..واستلمت حمامي
ورتبت الدواليب اللي تحت المغسله والارفف اللي فيه
وطلع شكله مرتب ومنظم وحلووووو يشرح النفس
فحبيت اقول لكم على طريقتي عشان الكل يستفيد :
1 – اولا طلعي كل الاشياء اللي في الادراج والارفف و ضعيها بكرتونين.. واحد فيه الاشياء اللي تستخدم يوميا وواحد فيه الاشياء الغير ضروريه او اللي ما تستخدم واااايد
2- وبعدين نظفي الادراج والارفف بقطعه مبلله بالماء وبعدين بقطعه ناشفه
وبعدين جيبي فوطه بلليها بشوية لينور اللي هو منعم الملابس وامسحي فيها الارفف والادراج راح يعطي ريحه تجنن بالحمام
3- رجعي الاشياء في الارفف ،، قسمي الارفف والادراج حسب احتياجك وحسب عددها , مثلا درج للمكياج والمناكير ، درج لادوات الشعر مثل السشوار والفرش واللفافات ، ودرج لمنظفات البشره ، ودرج لأبو الشباب وحاجاته ، ودرج فيه حاجاتك الخاصه اللي ما تحبي زوجك يشوفها …وهذا يستحسن يكون له قفل .. وبسهوله تقدري تعملي له قفل .. عشان تكوني دايما حلوه عند زوجك بدون ما يعرف كيف ؟؟
4-وعشان يسهل عليك ترتيب الحاجات الصغيره بوسط الدرج حطيها بكرتون صغير مثل كراتين جزم الاطفال و غلفيها بورق تجليد باللون اللي تحبينه وبعدين لفيها بدانتيل بيج او ابيض يطلع شكلها وااااااايد حلو او ممكن تحطينها بسلال صغيره
5- تحت المغسله رتبي المخزون من الصابون والصابون السائل والشامبو وحمام الزيت
6 – جيبي سله وحطيها على الارض بجنب البانيو وضعي فيها الفوط بشكل مبروم
7- جيبي نبات طبيعي وضعي وحده على كاونتر المغسله وواحد بجنب البانيو وطبعا النبات بالحمام ينعش الجو ويعيش اطول من الغرف الثانيه عشان الرطوبه
7- جيبي شموع اللي لها ريحه حلوه اي نكهه تحبين وصفيها بجنب البانيو
8 -علقي على الجدران لوحات بسيطه برسومات نباتات
