السلام عليكم ورحمة الله وبركاته
كيفكم يالغاليات
راح ابدأ في موضوعي على طول … وأحمد الله عز وجل ان وفقني للمشاركة في هذا المدونة الرائع ورزقني بأخوات مثلكن …..
أنا يا حبايب متزوجه من تسعه اعوام … زوجي انسان طيب وحنون ورومانسي ويحبني ويقدرني جدا جدا ….يا رب لك الحمد والمنه ….
المشكلة في اهله 
طبعا في البداية كانت حياتنا بين كر وفر معاهم … همه ناس تسمع عندهم الطلاق بكثرة يا لطيف
وأمه آآآآه بس الله يهديلها نفسها ….. ما تقتنع بشي وطول الوقت تزعل من زوجي لو سوى أي شي أو خالف أمر من أوامرها أو أو أو …. والمصيبة انه زوجي هوه البكر عندها ولكن حظه ضعيف والادهى انها انسانة سليطة لسان وسفيهه ما توفر أحد وتتكلم في خلق الله وتحسبن على اولادها وتلعن فيهم قدامي …
ياما دخلت معاها في مناوشات وسكت بس عشان خاطر زوجي واطفالي …
وآخر شي زوجت ولدها ( عمره عشرين سنة ) ومريض بمرض في العظام ..زوجته من وحده غلبانه والبنت ما استحملت جبروتها وعنجهيتها وآخر شي كانت تقولها ( أنا الي زوجتك ولدي أنا الي اطلقك منه )!!!!!!!!!!!!!!! تخيلوا بس
وبالفعل طلقها الولد وصار الي صار …
الي كسر قلبي أخت زوجي (الله يرحمها ) كانت دايمن تقولي ( يا فلانه امي ما راح تحس بقيمتك الا لمن اروح انا )
والله يا بنات كنا مثل الأخوات وأكثر ….
أحبها من كل قلبي …..
الله يرحمك يا انتصار …..الله يرحمك ويرحمني معاكي
أمها كانت ما توفرلها اي راحهه نفسية …
وبالفعل اتزوجت أخت زوجي ونقلت الرياض وبعد خمس سنوات صارلها حادث واتوافها الله
حالتي النفسية صارت سيئة .. ومرضت .. وتعبت …
ولكن برغم كل شي ساندت ام زوجي ووقفت معاها في محنتها لأني حاسة بقيمة الضنا وفقدانه الله لا يكسر قلوبكن على غالي …
والله يعلم ويشهد اني وقفت معاها وقفه اتمنى اجرها من الله عز وجل مو من أحد من المخلوقين …
لكن يا بنات انا اعرف انه فيه كثيريين يحسبنوا على أم زوجي ويسبوها في قلوبهم …ويمكن تكون حادثة بنتها بسبب ظلمها لبنت الناس الي طلقها ولدها وكانت هيه السبب في هذا الطلاق والله أعلم بالخفايا والنوايا …
وبعد فتره ( عاد الكتان كما كان ) ورجعت ام زوجي بنفس العنجهيه وأزود وخاصة لأن والد زوجي انسان سلبي جدا واخوانه كل واحد في جهه والله المستعان …
عمري ما حسيت بأن بينهم حب اسري أو اخوي …
دايما مختلفين …
والآن أم زوجي تبغى تزوج ولدها الأصغر وعمره ايضا 20 سنه وأمي ما يعرف يقرأ ولا يكتب (مثلها ) وغير موظف … وتبغى تزوجه بس لأنه حب وحده والبنت راضيه بظروفه و………خلاص
زوجي ما قدر يسكت واتناقش معاها وعلي الصوت واحتدت الأمور وفي النهايه رجع بخفييي حنين وصارت الملكه (الأسبوع الماضي) !!!!!!!!!!!!!!!!!
والله يا بنات اني كنت عايشة في مكه … اطهر بقعه على الأرض .. وبجانب بيت حبيبي وخالقي سبحانه .. واهلي في نفس البلد .. ويوم جا لزوجي النقل في الشرقية قلتله استخير وروح ..قال تسيبي اهلك … قلت الله معاهم نستخير ونرووووح …
تعبت منها ومن اهله ومن عدم مبالاتهم …
زوجي نقل وبعد فترة جيناه انا وبناتي وطول الفترة الي كنت فيها عندهم ما فكر احد منهم يساعدني وانا أم لثلاثة اطفال بدون أب بل على العكس كنت لمن اروح لأهلي اروح بسيارة من دون مكيف في شمس مكة الحارقة مع سواق وخدامه اجااااانب أو يجيي والدي الله يخليه ويحفظة ويطلعني ……
ويوم جيت الشرقية اتمنى اني ما ارجع مكه ابدا ابدا … بس الي كاسر خاطري اهلي …اهلي
المشكلة انه الناس سارت تكره اولادها ( وزوجي منهم ) بسببها …
والله اني ما ذكرت كل المواقف لأني اتمنى اني انساااااااااها … اتمنى امحيها من ذاكرتي للأبد
الى وقت قريب وهيه تعزم اهلها ( اخوانها واخواتها ) على ملكة ولدها الكل يقول ( انتي مجنونه تزوجيه بهاذي السن وبدون وظيفة ولا دراسة )؟!!!!!!!
زوجي انسان طموح وعملي ومثابر .. لكن تخيلوا يا بنات انه الين يوم اتزوجته ما كان يصلي الفروض ؟؟؟؟؟؟؟؟
اية أم ما تعلم اولادها…. أمانتها الي في رقبتها على الصلاااااااااة ؟؟؟؟؟!!!!!!
ولله الحمد جلست وراه وراه الين بفضل من الله عز وجل وحده دون سواه صار يصلي ويسمع ندوات ومحاضرات …أحيان يقولي ( انا مستحي من الله على حياتي السابقة )
والله عيني تدمع وقلبي يبكي لمن اسمعه يقول ( انا ليش اهلي كذا )
نفسي اجاوبه
بس ايش اقول
اسفة على الاطالة بس حبيت ارتاح في الحكي معاكن … واتمنى تبردوا قلبي ولو بدعوه الله لا يوريكم مكروه …
