يوميات رشيقات المستقبل هخس يعني هخس (ريجيم ال5كيلو في5 ايام) رجيم صحي

هاي يا جماعه انا عندي 23 سنه و وزني مش عارفه دلوقتي كام بس هو من شهر كان 106 و اخر مره قسته من اسبوع كان 98 و طبعا زي ما انتو عارفين اي دايت لازم يكون فيه تشجيع و انا مش لاقيه التشجيع ده من اللي حوليا خالص للاسف و مش قايله لحد من صحابي اني بعمل دايت عشان الموضوع مش هيكون مهم بالنسبالهم اوي ده غير ان اهلي شافوني عملت دايتس كتيير قبل كده و بخس فعلا ظٹط¹ظ†ظٹ مره وصلت 79 كيلو ورجعت تاني 110 كيلو و لما رجعت و الكل كانو بيقولولي يا بنتي عادي في ناس بيبقى اجسامهم كده مهما عملتي هتفضلي كده مع اني متاكده من جوايا ان شاء الله اني مش هفضل كده و مش هكون كده و ان شاء الله المره دي هوصل للي انا عاوزاه عشان انا زهقت و تعبت من الشكل ده و من التخن انا الحمد لله شكلي حلو و اكيد كتييير مننا كده بس كل اللي يشوفك يقول وشها حلو بس لو تخس شويه و انا عارفه ان اللي مضيعني التخن.
ده غير العرسان مامتي كل ما يجي حد حتى لو مش كويس عاوزاني ارضى باي حد عشان انا المفروض اقبل باي حاجه تجيلي بدل ما القطر يفوتني مش المفروض اني اختار و بالنسبه للبس انا اصلا عندي ميول فنيه و بلبس كل صحابي و انا اللي بختار لاخواتي لبسهم و مع كده مش بعرف البس اللي انا بتمناه ظٹط¹ظ†ظٹ بقالي كتييير مشوفتش نفسي في بنطلون جينز نضيف و شكلي حلو عشان كده انا المره دي قافشه و انا ان شاء الله ناويه 2022 دي اخر سنه هكون فيها بالشكل ده لازم اتغير فلو حد عاوز يفضل معايا هنا مع بعض نتكلم عن دايت كل واحده و نشجع بعض اوك طبعا عشان انا الحمد لله بقالي شهرين عزيمتي قويه و عندي اراده بس في اوقات بكون مدايقه او بضعف فباكل و لازم يكون حد معايا

لقراءة ردود و اجابات الأعضاء على هذا الموضوع اضغط هناسبحان الله و بحمده