حطيت الموضوع بهالقسم ماعرفت وين محله بالضبط بين الأقسام فاعذروني
باختصر لكم الكلام أنا متزوجه من 9 شهور وتعيسه بحياتي اللهم لك الحمد على كل شي
المشكله مو مشكلتي انا تأقلمت ورضيت بوضعي
أختي اللي اصغر مني تقدملها واحد مادري عنه أبوي يقول كويس ورجال عليه الكلام
انا مو مصدقته نفس هالكلام نقالي يوم انا انخطبت
أختي مو موافقه نهائي ونفسيتها زفت
اضطرت توافق لما شافت ابوي وأمي بيزعلو لو رفضت وهي من جواتها ماتبغى
كل ماشفتها قلبي يتقطع عليها مابيدها شي ولاتقدر تتكلم
وهي من النوع الساااكت مره كل ماكلمناها تقول قفلو الموضوع مابي اتذكر اني بتزوج ومعاملتها مع ابوي وامي تغيرت مره كل ماشافتهم بمحل راحت محل ثاني كله من هالموضوع
كل شوي تجي تكلمنا كلمو ابوي ينهي الموضوع مابغى ولما نقلها انتي تكلمي تقول انا موقادره اطالع بوجهه كيف تبغوني اتكلم
خايفه عليها لو تزوجت وماتوفقت يصير فيها شي لأنها بالأصل مو موافقه على هالزواج
وانها مو موافقه هذا بحد ذاته مصيبه ترتبط برجال ماكانت موافقه عليه
الزوااااااااااج تحديد مصير لازم الواحد مايتزوج الا عن قناعه تامه
أنا مو عارفه ايش اسوي وأخواتي محتارات بعد
أمي وأبوي ماقدر أكلمهم مايتفهمو ويمكن تصير مشكله طويله عريضه
مابغاها تعيش ايام سودا زي اللي شفتها بسبب انها مو موافقه
تكفووون دلوني على حل
نكلم خطيبها اخاف يعلم ابوه وتصير مشكله لنا ؟؟
او نكلم احد يفهم ابوي
اخوان عندي واحد عمره 20 وشايل يده من الموضوع مدري ليش
وش نسووووي
