كل وحده تقرأ موضوعي تعلق فقط جبرا لخاطري المكسور………….المهشم بمعنى اصح
واعطينا رأيك يمكن نستفيد
المهم عارفين طبعا حركات الحريم واهتمامها بنفسها عشان عيون ابو العيال وننام ونصبح
واحنا ع هالحال عشان يشوفكملكة جمال
وطبعا من ضمن هالاهتمامات التضييق بكافة اشكاله…………وانا لما اسوي الكبو او
البخور الخاص اسويه اول مايخرج عشان يمديني بعدها ع طول اهوي البيت وابخر
واتروش ويجي يلقى البيت مافيه شي
المهم في مره من المرات من ايام معدوده جهزت كل شي وانتظره يخرج للعماره
الجديده ومتأكده انه راح يطول مع العمال,,,,,,,,,,وبمجرد خروجه من الباب رحت اشوف
شغلي
وانا واقفه ع المبخر الا والرجال داخل عليه ومنصدم من الريحه((ماالومه والله)) وانا
منصدمه من رجعته السريعه مايمديه شغل السياره,,,كان ناسي غرض وراجع
ياخذه ومحرجه منه وصار شكلي كذا قال ايش الخياس هذا ……..اش مسويه؟؟
وايش البخور هذا؟؟وخفت يحسبه شغلات ثانيه اعوذ بالله
صارحته بالحقيقه وقلت هذا كله عشانك؟؟عشان تقول عني
ولما فهم القصه رمى القنبله اللي قلبت موازيني
قال بالحرف الواحد ((لا تبخرين ولا تضيقين انا ادبر نفسي وقتها,,,لكن شوفيلنا حل مع الكرشه هذي اللي مرافقتني بكل لحظه وكرهتني حياتي ونغصت عليه هي اللي تحرمني المتعه فعلا
انا قلت حرام عليك كرشه مره وحده…ليش ايش شايفني ,,,,,,,رد وقال ولا تزعلي كروشه…اذا تحبيني فعلا وتبغي تدلعيني شيليها نهائي)) الى هنا انتهى كلامه
وظليت 3 ايام مكتئبه واحس انه جرحني خصوصا انه جسمي زين ماعليه لكن اول
مايسمن عندي البطن…وابد ماتتسمى كرشه لكن لانها مو ماشيه مع
جسمي ,,,,وصراحه بعد الانجاب فقدت السيطره عليها ……وفكرت بكلامه وقلت من
حقه بما انه موفرلي كل احتياجاتي
والان محاولاتي مع جسمي احاول مع الميزوثيرابي او جهاز ريزونا اللي بالليزر اذا توفر
هنا بالمستوصفات وخصوصا انه رجال طيب ومهتم كثير بمظهره وهيئته اصغر من سنه
بكثير مع انه فوق 50 وماعمره جرحني ولولا هالموقف ماكان عبر عن مكنون نفسه
وسلامتكم يافراشات
