مساكم / صبحكم الله بـ الخير جميعـاً
هـ الموضوع صار لي فترهـ وانا ازبط فيه وأخيراً تم التنفيذ
هو عبارهـ عن تقرير مصور لـ ط±طظ„طھظٹ إلى مملـكـة تـايـلانـد
واللي كانت في العام الماضي بـ نفس هـ الوقت تقريباً
الموضوع راح يكون بـ عدة أجزاء .. وان شاءالله تستمتعون فيها
جلسنا في تايلاند عشر أيام .. قضيناها مابين " بـانـكـوك و سامـوي و بـوكـيـت "
طبعاً حاولنا نستغل كل لحظه هناك ونستمتع فيها
ومانفوت أي لقطه أو حركه بدون تصوير
والحمدلله الرحله كانت موفقه .. وانبسطنا ع الآخر زي مايقولون
في البدايه .. الوصول كان على بانكوك
و زي ماهو معروف العاصمة دائماً تكون تجارية أكثر من سياحية
فـ عشان كذا كانت الخطه من البدايه
اننا مانجلس في بانكوك اول شي
ونأجل الشوبنق لـ آخر يومين << عشان ماتقضي الفلوس من اولها
كان حجزنا على جزيرة ساموي لـ قضاء أول يومين فيها
كان الوصول إلى جزيرة ساموي الصبح .. شوفوا الجو كيف
ولايفوتكم مدرج المطار والخضرهـ والشجر والطبيعه
موب مطاراتنا ياربي لك الحمد .. ماغير بر وحر وغبارن يشق الوجه
وبما انها جزيرة .. فـ من الطبيعي يكون كل شي فيها بدائي وصغير
وشي متوقع تكون الشوارع صغيرهـ وسيد واحد واغلب الناس يمشون بـ دبابات
بس اللي ماتخيلناهـ .. المطار حقهم .. بصراحه كان أكثر من روووووعه
ماراح تصدقون لو قلتلكم المطار كان عبارهـ عن …
" عشـّـه " !!
<< كوخ لـ غير الناطقين بـ اللهجه النجديه
من جد المطار كان كوخ من الخشب وأعمدته جذوع أشجار جوز الهند
وكل شي في المطار تقريباً مصنوع من الخشب
" ماعدا طبعا اجهزة الكشف وجهاز سير العفش " !!
هو صحيح المطار بدائي وتحسون انه مصنوع يدوي
ومساحته صغيرهـ جداً بـ اعتبار انه مطار
بس صاير تحفه فنيه وماودك تطلع منه
بصراحه اللي مسويه موب سهل ابدددد
عرف كيف يستغل الخشب اللي هو مصدر رزقهم " بحكم كثرة اشجار جوز الهند في الجزيرة "
وبنفس الوقت عرف كيف يجذب السياح للـ جزيرة ويكون المطار
هو أول معلم سياحي فيها !!
شوفوا حتى الباصات تحسون انها استهبال
مو باصات مطار تقول حديقة حيوانات والا ملاهي
بالله هذي لوحة مطار اجل .. بقاله مو مطار
ماقلت لكم هـ المطار منسسسسسم
يعني لـ درجة ماهو صغير .. تشوف كل شي قدامك
نقل العفش والطيارات والباصات وكاونترات التذاكر …. الخ
ولاتفوتكم طريقة نقل العفش والشنط من الطيارة للـ مطار
المطار من داخل
صالة انتظار الرحلات << اصلا المطار كلله ثلاث صالات قصدي ثلاث اكواخ
ولاحظوا الكراسي كللللها خشب
انا يوم شفت المطار كذا .. قلت الله يستر لايصير الفندق عشه بعد !!
بس اشوا يوم وصلنا الفندق واثرهـ مبنى فخم وحلوو وفيه مسبح بعد << لاياشيخ
ترى ماطبينا فيه اول ماوصلنا
بما اننا واصلين الصبح (( الساعه 10 تقريباً )) .. وقدامنا اليوم كامل
أخذنا رحلة يعتبرونها نص يوم ..
اربع ساعات من 1 الظهر إلى الساعه 5 العصر .. وتشمل :
عرض قرود + رحلة في الغابات على ظهر الفيل + زيارة حديقة السحر
ركبنا الددسن وطلعنا
كان أول شي عرض القرود .. طبعاً حنا مااااااالين منهن بـ الطايف
موب زي الاوربيين اللي تجمعوا عند القرد وكل واحد يبي يصور معه
عشان كذا ماصورت القرود ولا عرضهم البايخ
اجل قرد يتسلق الشجرة ويفر حبة جوز الهند بـ يدينه الين يفكها
بعدين يرميها على الرجال اللي واقف له تحت !!
المهم .. بعدها خلونا نذوق طعم جوز الهند الطااازج << ياربي لك الحمد .. بغيت اجيب العيد بس الله ستر
بعدها رحنا للـ غابات وركبنا الفيل واخذ فينا لفّـه << وين باص
لا اخذ فينا جولة وسط الغابات
ترى الفيل مو صغير .. بس هذي اللقطه جايه من فوق
حنا واقفين في مكان مرتفع عشان نكون موازيين لـ ظهر الفيل ونقدر نركب
وهذي الشلالات وسط الغابه
بعد رحلة الفيل .. طلعنا لـ حديقة السحر << تستاهل هالتسمية من جد تسحر
الحديقه كللللها مجسمات منحوته من الصخر !
يقولون كان واحد عايش في هـ المكان وقضى عمرهـ كلللله وهو ينحت
اشكال ومجسمات من الصخور الضخمة وبـ كل دقة وابداااااااع
شوفوا السمكه في الارض كيف
هذي مجسمات بشريه بس مامداهـ يكملها
بدا في رجولهم والظاهر انه مات
هذا منظر عام على الحديقه
شوفوا حتى هذي اللي كنها طاوله منحوته من الحصى بعد
والشلالات الصغيرهـ معطيه شكل حلو للـ حديقه
مجموعة عازفين وفرقة موسيقية كااااااملة
منحوته بـ ابداع وفـن .. من جد شغل نظيف ودقة متناهيه !!
شوفوا الحمامه " أكثر شي شدني في الحديقه "
كلب وتنين ورجال وحرمه << مو اللي جالسين ورا .. لا هذا واحد وخويته حقيقيين
وقبل مانطلع من الحديقه شفت بين الشجر شبكة عنكبوت كبيييييييييرهـ << حقيقيه طبعا مو منحوته
انا بـ صراحه أول مرهـ اشوف شبكة عنكبوت بهـ الحجم
" اعجبتني واخذت لقطه لها "
بعد الحديقه رجعنا ع الفندق .. وكان الطريق نازل من أعلى جبل
يعني تشوف الجزيرة كلها .. وكان المنظر أكثر من رائع
بس للـ أسف مانقدر نوقف ونصور لأن الشارع صغير و سيد واحد
والسواق مايقدر يوقف بـ وسط الطريق
عشان كذا حاولت آخذ كم لقطه والسيارهـ تمشي
رجعنا للـ فندق داااااايخين طبعا .. من الصبح ماغير ندور
وبـ كذا نكون أنهينا أول يوم في جزيرة ساموي
وأول جزء من تقريري المصور لـ ط±طظ„طھظٹ في مملكة تايلاند
