هات همك في وسط جوفي وصبه %% وكان به غيره تعال وصـب ثانـي ادبيات

بلا مقدمات هذا من حدود القلب …..

يخشى الأقدار والظروف وإنكسارات الفراق .. ويعلل أوردته بالأماني
أتمنى أن يرتقي لذائقتكم الراقيه … فانقلته للغالين,,,,,

حبيبي طالبتك أن جت لحظه وافترقنا %% لاتخلـي وحـدة(ن) تاخـذ مكانـي

ولاتخلي بيـت عليـا اللـي بقلبـك %% به تعيش انثى ولـو بضعـة ثوانـي

ومعك أمانـه يابعـد حيـي وميتـي %% لاجلست بجنبهـا غمـض عشانـي

وأذكر اني قلت لك ياروح روحـي %% أنت ملكي بس ماانـت لحـد ثانـي

أنت قلـب(ن) ماانخلـق إلا لقلبـي %% وأنت روح(ن) نبعها سال وسقانـي

وأنت لي وحدي ولا كثـري يحبـك %% غير قلب(ن) في دروبك لك سبانـي

وكـان وصلـك يا أميـري ماتهيـا %% أوعدك ماانساك لو عمـري نسانـي

وكانهـا الايـام جـادت واجمعتنـا %% والله اني لااشعـل سنينـك أمانـي

واحتفل بك كل لحظه وأنت جنبي %% وأعزف حروفـي لخفاقـك أغانـي

وأنثر ورود الولـه واسقيـك لهفـة %% خافق(ن) لاغبت لحظه جاك عانـي

وأجمـع سنينـي وأبعثرهـا بكفـك %% وأسرقك كلك هنـا بيـن المحانـي

وأفتدي روحك بروحـي يابعدهـا %% وأنزع همومـك وأطوقـك بحنانـي

ماأبـي بـرد الهمـوم بيـوم يلفـح %% خاطرك وإلا تجـي لحظـه تعانـي

هات همك في وسط ط¬ظˆظپظٹ ظˆطµط¨ظ‡ %% ظˆظƒط§ظ† به ط؛ظٹط±ظ‡ طھط¹ط§ظ„ ظˆطµظ€ط¨ ط«ط§ظ†ظ€ظٹ

وأعطني قربك وانا بعطيك عمـري %% وأهدني لحظه وخـذ كلـه زمانـي

يا أمنيـة عمـري اذا قالـوا تمنـي %% ويااصدق أنسان(ن) بقلبه أحتوانـي

ويا ملاذي لا بكيت وضاق صـدري %% وياوطن عمري إذا عمـري جفانـي

يا حنـون القلـب يا تاجـي وعـزي %% بك نسيت الناس والغيـت الموانـي

ياهلي وناسـي وكلـي ياحيااتـي %% وياحواسـي كلهـا دون إنقصانـي

بك تشوف العين وأيضا فيك أسمع %% وبك أحس الكـون أفـراح وتهانـي

صرت أحس أمك هي أمي بس يفرق %% أن ولدها ماهو من جملـة اخوانـي

آآآآه منك يا ولدهـا كيـف روحـي %% سلمت لـك نبضهـا حـب وتفانـي

وكيف قلبي عاف كل الخلق لجلـك %% وصار لجلك مجرم وأيضـا أنانـي

أيه مجـرم مايبـي غيـره يحبـك %% ولايبـي عينـك يشوفـه مودمانـي

وأيه أناني مايبـي فيـك يتشـارك %% مع بشر بالكون لا قاصـي ودانـي

وأيه أحبك وماأعيش بدون وصلـك %% وأيه أموت أموت في بعدك واعانـي

وأيه كلي فدوتك مـن قلـب اقولـه %% بس تكفى(لايجـي غيـري مكانـي)