مات قلبي وش هو الحل ؟ طفل السعودي

كيفكم وشو اخباركم

يا بنات جيت هنا وابغى افضفض هموم الدنيا كلها براسي

تحملوووووووووني وادعولي بظهر غيب تكفووون

قصتي

انخطبت وكأي بنت كنت مبسوطه وعشت فترة خطوبه مافي زيها كلها رومانسيه كأن خوي وخويته ابدا مو خطيب وخطيبته

تزوجنا وانبسطنا بحياتنا كملنا السنة الاولى واحتفلنا احتفال مررره خطير ولله الحمد ماشاء الله

وقبل فتره تعب زوجي رحمة الله عليه حتستغربو اش اللي رحمة الله جايتكم بالباقي طاح علينا فجأة وقبلها جاه صفار فجأة ولا راح وبعدها طاح علينا .. وتنوم بالعناية المركزة وشوفو تشخيص الدكاتره شي يشيب الراس ضعف بعضلة القلب يعني لازم تتسوى له عملية زراعه قلب وبعدها فشل بالكبد ولازم له زراعه كبد وبعدها توقفت الكلى وصارو يغسلون له وجسمه تعبأ مويه احيان يبان متورم واحيان لا وجلس فتره ليست بسهله في العناية المركزه المهم خرجنا من المستشفى لمستشفى ثانية ونفس الكلام نفسيته تعبت لدرجه انه صار فاقد الامل بخروجه من المستشفى وجلس فترة وخرج للبيت وجلس ما يقارب الشهر في البداية كان ماشي بالعلاج وبعدها صار يرفض اي شي راح يساعده على العافيه حتى العلاج رفض ياكله حتقولو ليه ما جبتوله شيخ

جبنا مو شيخ الا شيوخ ولكن الشي اللي فيه كان اقوى من الشيوخ اللي جبناهم له اكدو لنا انه عنده سحر شي دخل بطنه وعنده عين لانه كان مع القرايه يتحول شخص ثاني حسبي الله عليهم ربي لا يوفقهم ربي يذوقهم كل اللي ذاقوه رجعنا المستشفى لانه صار عنده حالة جفاف من قله الاكل جلس اسبوع وتوفى انتكست حالته جبنا له شيخ اكد لنا ان العمل اللي معمول له عن طريق جني مع القرايه ينكمش ويندس في عضو من اعضائه اخر يوم الشيخ ما قرأ غير سطرين الا الليل الخاص بالتنفس الصناعي خرج من مكانه وكان مع القرايه يتوقف جهاز غسيل الكلى وما عاد يشتغل وانا كنت حامل تخيلو مات الصباح وانا ولدت المغرب ما شاف بنته وتخيلو كمان توفى في نفس اليوم اللي تزوجنا فيه بمعنى ميلاد ذكر زواجنا وش تتوقعون تكون نفسيتي

الحين نفسيتي اكس فراقه تاعبني وبنتي الله يحفظها احبها واموت عليها واخاف عليها بس من اشوفها ابكي زياده هذا الشي اثر على الحليب بصدري ما كنت ارضعها تمام لان نفسيتي كانت مو تمام والكل خاصمني ما ترضعينها وانتي تبكي انتبهي ومن هالكلام

تعودت على الحليب الصناعي ومو قادره ااخليها ترجع ترضع من صدري صارت من احطها بحضني ابغى ارضعها اقربها لصدري تمسك وعلى طول تبكي وتدف ما تبغى ترضع من صدري حاولت اجوعها مافي فايده تعبت وزادت نفسيتي سوء حاسه بتأنيب الضمير

احس الدنيا صارت سوده بوجهي فراقه دمرني الى الان ماني قادره استوعب اني ماراح اشوفه مو قادرة استوعب انه راح وخلاني تركني ورحل لدنيا ثانيه احس انه بيجي انا منتظرته اصلا .. لدرجه اني صرت اتصل على جواله على امل انه يرد اوقات اذا طلعت مشوار مستشفى او شي وشفت زي سيارتنا اطالع فيها الين تختفي يتراوالي بشوفه جالس يسوق تعبت والله تعبت
ابداً مو مستوعبه فكره رحيله واني ما راح اشوفه خلاص

مسجله له مكالمات من ايام الملكة صرت اشغلها واتخيل انه يكلمني

احس من تركني ما في احد يحبني مو حاسه ولا باي شي حلو بالدنيا هذي

في بداية الموضوع صرت بنتي ما امسكها كثير بس اشوفها انهار بكى اوقات الشيطان يلعب براسي احس بنتي جات بوقت مدري اش اقول بس بقول الحمد لله

صار عمر بنتي مرتبط بوفاة ابوها مرتبط بميلاد ذكرى زواجنا هذا اليوم اللي خططنا له كثير فرحنا فيه كثير حلمنا فيه ولكن ربنا اخذ امانته

الحين ابغى منكم مساعده في حكاية رضاعه بنتي عمرها الحين شهرين و9 ايام وما عاد ترضع ابدا اذا مسكته ثواني على طول تدفه وتبكي نفسيتي متأزمه من جميع النواحي فراقه شي اشبه بالموت البطئ ما احس بالدنيا لا طعم لها ولا لون سوده عتمه