كيف تقهري اخوك الحقوا يابنات للبنات

شخباركم يالحلوات ان شاء الله تمام..

تدرون قد ايش حنا نعاني من تماسيحنا… ضروري نوريهم شوي من اللي نحس فيه..

عندي دروس خطيرة لاتفوتكم بنات.. شوفوا اللي مقهورة..واللي تبي تنتقم..واللي تبي ترفع ضغط اخوها ( طراخها )..

..تتبع هالخطوات والله يقويكم…

…عند التلفزيون…
اذا فيه مباراه والاخ متحمس..أقطعي هالحماس..وش لووون؟؟!!

أنا أقولك
شوفي اذا كان مركززز..وماهوفي هم احد يعني لو تجيبين صاروخ وتفجرينه قدامه ما تلفت لك..

أعرفي انه منسجم …هنا بس تقومين بدورك ..و..بشغلك..وتسوين نفسك مره سنعه..

روحي جيبي قطعة قماش وبخاخ للتنظيف..وأوقفي عند التلفزيون وأمسحي الشاشة..ولا تعطينه فرصه يشوف زين..

لاقال:أبعدي .. قولي : ماني فاضيتلك ماتشوف قاعده امسح وأنظف….

وبعدين روحي جيبي المكنسة..وأكنسي..المكان اللي هو فيه.. وحاولي من لحظة للحظة..تكنسين قدام التلفزيون وغطي عليه..ولا يهمك أحد..

وهو طبعا رح يقول بكل أدب : أبعدي لا أصقعك على وجهك بالكاس..قولي : بيجونا ضيوف..والعبي عليه حتى لو مافي حد بيجي..

وسوي نفسك جالسه وتذكرتي ان الكيكه في الفرن وبتحترق..ناقزي اللين ماتوصلين للفيش وأسحبيه برجولك ولا تلتفتين وراك…

………………………………………

….عند النوم…
لاصار الاخ ( الطرااااخ ) يشخر..

نكدي عليه في نومه..شلوووون؟؟!!
أدخلي عليه بزارينكم وبزارين جيرانكم وأفقلي الباب عليهم وأنحاشي وخليهم يلعبون بغرفته ويناقزون على راسه..

والا تعالي وهو في سابع نومه..وأرجفيه ذيك الرجفه..اللي يفز منها ومايدري على نفسه الا وهو جالس

وقولي بكل برووود : نبي نطلع..

..اذا المزاج صفر..
اذا شفتيه مو رايق وماله خلق ومقفله معه..لا تخافين لابالعكس هذي فرصتك تنتقمين منه..يعني تحرشي فيه وخلي دمك ثقييييييييييل..بالمزح..
بس أنتبهي في هذي اللحظة..راقبي حركات إيده لانه ممكن يصك بأي شي قدامه على وجهك..لازم تكوني مجهزه مفتاح غرفتك..ماتدرين وش السالفه..ياغالب مغلوب..ههههههههه..

المهم أضحكي على شكله..والا على جلسته..والا على لبسه..وهو بيقولك : ترى ماني رايق لك أذلفي عني، وانتي لا تسكتين قولي له : وإذا ما ذلفت وش بيصير؟؟؟

عاد هو بيقوم عشان يوريك وش بيصير على سنع .. أنتي في هالوقت أقضبي أول درجتين توصلك على غرفتك..وطلي عليه من فوق وقوليله ::هههههااااااااااااااااي .. اهم شي رفعت ضغطك..وقومتك من جلستك..

<<عاد اللي ماعنها درج تتصرف..هههههههه

عااادي..عااادي ..ولا صرتي بزر وش فيها..أهم شيء تحققين الغايه اللي هي (( تفجير الامبراطوريه ))..

……………………………………

…وقت الطقاق..
لا جاء يوم وبراسك شي وتبين تتطاققين انتي وطرااااخك..لازم تجهزي نفسك من كل ناحية..

1 اللبس : لازم تلبسين شيء خفيف عشان يسهل عليك الركض..

2 الشوشه : لازم تلمينها وتسوين حفله براسك ذاك اليوم تحطين أنواع الشباصات والمغاطات..وأنتبهي لا خصله تنزل منك..

وياريت يكون في ذاك اليوم حاطه براسك حناء..عشان مايتجرأ ويلمس شعرك..ابن أمه يجيه مثل هالتفكير..

3 مفتاح غرفتك جهزيه الاحتياط واجب..

واذا بدت المعركه..حطي راسك براسه ولا تبينين له انك خايفه ابد..
وقولي له : وش براسك؟؟
عاد هو هنا بيقولك هذا اللي براسي .. وكف على وجهك..

بس أنتي وقتها لا تستسلمين عطيه بوكس على عينه..وخليها تنفقع..عشان مايشوف الدرب…

وحطي على رجلك على طووووووووول لغرفتك اللي مجهزه مفتاحها من قبل… ويادار مادخلك شر..

بس نصيحه : أقعدي يومين لا يشوفك ولا تشوفينه .. لانه يبي ينتقم لكرامته .. ويوريك..النجوم في عز الضهر…

وفي النهاية مالي دخل إذا صار لكم شي ماشيات >> ترى قلت مالي دخل هههههههههه
وأنتبهو لأخوانكم وشوي شوي عليهم لا تضربونهم بقوه مهما كان هذولي يصيرو أخوانكم >> تبي تصلحها هههههه