قصتي المؤلمة والمبكية والمضحكة مع كيكة الشطرنج للي تبي تعرف قصتي تدخل قاطو سعودي

قصتي قصة مع كيكة الشطرنج والله يعينكم علي..

هو في الحقيقة حلم لحبيبة قلبي هنودة وهاجوس بالنسبة لي مانمت الظهر اليوم بعد ماجيت من الدوام والسبة كيكة هند وروزان..

قررت اسوي الكيكة بس ماعندي الفاصل الخاص بكيكة الشطرنج لأن في الحقيقة والخيال احتكرتها سيدة الاعمال اختي هند فاصبحت الحقوق محفوظه لها وياااااااااااويلة من قلد على الاصل..

رجعت مكسورة الخاطر لطريقة اختي روزان واكتشفت انه ماعندي غير قمع واحد والمفروض اثنين واحد لكيك الابيض والثاني للبني..

قمت واخترعت هذي الطريقة والصحيح اني تخرعت من اختراعي..

اخذت أكياس الخاصة باللحم او المكسرات النايلون المعروف وعبيت واحد ابيض والثاني بني كما في الصورة..

وقصيت طرفها ياعيني على الشيف والله شيفه صارت القصة معي خخخخخخخخخخخخخخ وسويت مثل ماسون اخواتي وحبيباتي قلبي..

شوفو المنظر ياعيني على الحلاوة لالالالالالالالالالااحد يتطنز انا بس اللي اعلق على كيكتي..

قلت بسويها مربعة امحق من فن ..نكمل القصة بس شوفو النهاية مذهلة انا بصراحة انصدمت..

نكمل..

ماني موريتكم الصورة بعد خروجها من الفرن خليني استر عليها الله يستر عليكن..

لبستها ثوب من الشكلاته اللذيذ,,,,,,,,,,,,,,,,,,,,,,,,,,,,,,,,,ترقيعة قسمن بالله..

شوفو..

فجأة كذا ومن غير انذار مسبق تحولت الكيكة من كيكة الشطرنج الى كيكة النمر ههههههههههههههههههههه ياسبحان الله..

شوفو..

وهذي قطعة لأبو الشباب طبعا ماقلته انها كانت يوما ما كيكة شطرنج خخخخخخخخ لاسنعت عمري معه وقلت له كيكة النمر ومدح فيهااااااااااااااخخخخخخخخخخخخخخخ

حدوني البنات على اقصاي حست حوسه بالمطبخ الله لايوريكم ذيك الشوفه اكياس البلاستيك تهرهر منها الخليط من كل صوب وحالتي حالة والله لو مسوية الكيكة الرخامية ارحم لي بس حريم ياحبنا للتجارب اللي تعذب..

تصدقون بغيت اصور الحوسة بس استحيت والله؟

يالله نسميها كيكة النمر صايرة مرقعة زي نقشة النمر..