أنا من أول شهر زواج حملت ما لحقت شوف العسل وكان إلي شهر بس منتقله عالسعوديه واجا الوحام مستمر أربع أشهر ما إقدر إرفع راسي وكمل الحمل عهالحال ولما ولدت ما كان عندي حدا أبدا أنا وزوجي وبس وشوفو العذاب ما أعرف شو بدها ولا حفضها وفوقها صار مع سعفه بعد الحمل ودايما عم إبكي المهم ما لحقت إتعود حتى حملت مره تاني ورح موت قهر وصرت دايما إشتكي يا ريت مو حامل ومرت ست أشهر والحمل تمام وحتى وحام مافي وانا مزعوجه من حملي وفجأه بين ليله وضحاها إجاني طلق وأنا لسه بالسادس ونزل دم كتير رحت عالدكتوره الرحم فاتح اتنين سم روجي واتسطحي ما تتحركي أبدا وعطتني دوا مانع طلق وتميت ثلاث أيام وانا عم إطلق والساعه إتنين بعد نص الليل طقت مية الراس وشوفو الرعب إتصلت عدكتورتي قال روحي عمشفى أحسن إدا بدك ياني إبعتيلي ورحت عمشفى الولاده فحصتني وطقتلي المي بزياده وسمعتني صوت القلب ضعيف عم يموت تصور أم تسمع هالحكي وفوقها قال قومي ما منستقبل أجانب قمت لروح وقفوني لوقع والمي عم تخدق مني ما في بقلبن رحمه قمت رحت عمشفى خاص وأخدت غرفه وقالو عمهل لبكير والساعه سته الصبح إجا الطلق المميت صوتي وصل للسما وطلعت رجل الجنين وما نزل سحب رجلو لجوا كان مابدو يموت وعينو بالدنيا وبعدين الدكتوره فوتت إيدا وفتلتو ببطني وشوفو الألم وهو ما راضي ينزل قسما بالله حسيت بالموت لامسني وعرفت وقتا أن الله عم يجازيني لاني إتكبرت عالنعمه وما بدي هالحمل وصرت ابكي بزياده وقول سبحانك اللهم إني كنت من الظالمين سامحني ياربي وتميت قول هيك لحتى نزلت وطلعت بنت وشالوا وبدن يحطوا بحضني ما رضيت شوفا لان ما بقدر عيش بعدها بس شفت رجليها الصغار وحطوها بعيد عني ومن بعيد شفتا عم تتحرك قلتلن مانها ميته قالولي عم إتموت وبعدها وقفت عن الحركه قالو سلمتا ولفوا بشاش قدامي بس قبل فوتو زوجي يشوفا
ودموعو كرجت عخدودو وأخدوا حطوا بالبراد وعمل زوجي الأوراق وطلعنا أنا عالبيت وهي عالقبر اتصورو
وانا بالبيت بكاء مستمر بنتي نزلت عالقبر قبلي وانا السبب ولحد الأن بتذكر رجليها وبشبع بكي و بعدا بشهر ولا حامل وبالشهر ونص سقطت ونشف دمي من كترما روحت دم وعملت عملية كرتاج وبعدها بشهرين حملت وكمان إتعذبت فيه بس إتمم عخير وجبت بنوته وبعدا بسنه حملت وجبت بنوته وما عاد قلت بدي ومابدي إتربيت ويلي بيبعتو الله يا محلاه
التصنيفات
