للأمانه الموضوع منقول
هذا الموضوع قريته لأحدى الأخوات في احدى المدونة (الله يجزاها كل خير )
وطبقته …وكانت النتيجه واااااااااو
تبغي لزوجك وبيتك واطفالك رونق خااااص ….
وتبغي ينقال عن زوجك (والله زوجته ما شاء الله عليها )
وتبغي يكون لكي انطباع خاص تتركيه في كل مكان تروحي فيه 
تعالي اقولك عن تجربتي الي اخذتها من احدى الأخوات …
صلوا على الحبيب
الموضوع وما فيه هوه ( العطور )
عطري حياتك بالكامل …. منزلك خليه دايما عامر بالفواحات العطرية وابتعدي عن البخور الا وقت العزايم الكبيرة فقط …
استخدمي الفواحات الي على شكل (جل ) من ايرويك لدورات المياه اعزكم الله ( انا استخدم برائحة التوت البري )شي روووعه
وعطري السجاد والمفروشات والمخدات بعطور خاصة مثل اللافندر وزهرة الكرز (تلقيها في قسم المعطرات الخاصة بالمفروشات بالسوبر ماركت ) وافضل نوع استخدمتوا هوة الي مثل البودرة من (جليد) يخلي البيت زي الحديقة 
واذا كنتي طابخة وقرب موعد زوجك في الرجوع من الدوام خلي جنبك علبة (اير ويك) بالخوخ والورد رشيها على مدخل المطبخ والممر وباب منزلك …زوجك اكيد راح يعشق الرجعه للبيت 
وحتى في السيارة استخدمي معطر خاص بفرش السيارة وممكن من نفس العطور السابقة خاصة اذا فيه احد من الاقارب او المعارف راح يركب معاكم 
وطبعا لأطفالك انصحك ثم انصحك ثم انصحك ( بعطر جونسون ندى الصباح ) ريحته ريحة اطفال مرة كيوت وعذب ومنعش 
وطبعا الموضوع الأهم هوة انتي نفسك ….
خليكي دايما معطره …
استخدمي ( الديودرانت) من ريكسونا الي يجي على شكل صابونه واسمو ( اوكسجين )مرة 
وفي الصباح انصحك بعطر اسمو ( دافيدوف كول وتر ) لونو ازرق بحري …راح يخليكي منتعششششه 
أما الليل والأوقات الي بالي بالك استخدمي عطر فتااااااك اسمو ( بلاك اكس اس ) وراح تشوفي النتيجة مع زوجك 
وبعد الاستحمام استخدمي بودرة الأطفال نونو على كاااااااااااااااامل جسمك راح تخليكي مرة مرة كيوت ونعومه 
وقبل النوم ادهني يدينك وبشرة وجهك بكريم فازلين الي لونو اصفر فاتح …راح ينعم بشرتك ويخليها مثل بشرة الأطفال وفي نفس الوقت له رائحة مرة حلوة …
واذا خرجتو لدعوة عشاء خلي في حقيبتك الخاصة وجيب زوجك ( ربع تولة مسك ابيض ) تحطوا منها بعد العشاء ترا لها مفعول السحر في ابعاد رائحة الطعام …
وطبعا بعد كل هذا حطي في بالك الابتعاد عن العطور اذا كنتي خارجه لسوق أو مكان عام 
حتى ما تأثمي ….
جربوها يا حلوات وادعولي …
في انتظار ردودكم الحلوة…
