بسمة تعالى
اول شي هاذي اول تطبيق قي للكيكة وكانت هدية لعيد ميلاد
الكيكة طلعت زينة بس انا غيرت الكريمة فما طلعت بالشكل اللي ابغية
انا باحط الطريقة الاصلية مع رابط اليوتيوب وبعدين عملي مع تغييراتي
الطريقة العدلة الاصلية
Red VELVET cake
المقادير
المقادير السائلة
2بيض
م ش فانيلا سائلة اذا مافية بودرة
1 ك بتر ميلك بديلة ا ك حليب ممزوج بملعقة طعام خل ومغطاة لمدة عشر دقائق على الاقل
م ط ملون الطعام احمر او حسب الرغبة(اعتماد على قوة الملون
م ش خل (ضروري وما راح تطلع بالطعم
1ونصف ك زيت
مقادير الجافة
1ونصف ك طحين
1 ك سكر
2 م ط كاكاو بودرة
1م ش بيكنج صودا
ا م ط بيكنج بودر
الطريقة
نخلط المواد السائلة مع بعض حتى التجانس وفي وعاء اخر ننخل الطحين ونخلطها مع بعض ثم نضع المواد الجافة بالتدرج مع المواد السائلة ثم نخبزها حتى النضج
Cream cheese frosting
كريمة الجبن لتغطية الكيكة
2صبع زبدة بحرارة الغرفة
2كريم شيز_فيلادلفيا بحرارة الغرفة
كيلو سكر مطحون خاص للحلويات يباع جاهز في السوبر ماركت نصف الكيلو بخمس ريالات افضل نوعيةsis
2 م ش فانيلا سائلة
الطريقة
بمضرب الكيك نخلط الزبدة مع الجبن حتى التجانس ثم نضع الفانيلا ونخبط ثم نضع نصف السكر وعلى سرعة هادئة نخبط حتى لا يطير السكر ثم نضع الكمية الاخرى من السكر وبعد الخبط نضع عليها بلاستك و تبردتحفظ بالثلاجة للاستخدام
طبعا الطبق مقسم الى عدة مقاطع دوخوا طلعوهم
يلا على صوري
هاذي بعد ماخلطت السوائل مع بعض وبعدين ضفت شوي شوي النواشف طلعت معاي كدا
طبعا الفرن مشغل من مدة
انا سويت ضعف الكمية علشان ابغاة تكون رفيعة وعدة طبقات
سويتها في صينيتين
يقولوا خبراء الكيك انك الافضل تخلين الكيكة ليلة كاملة علشان تبرد قبل التزيين انا قسمت شغلي على يومين اسوي شوي وابردها
هنا بعد ما استووا وغطيتهم وهم بالصينية لين ما بردوا وبعدين فكيتهم من الصينية وخليتهم على ظهرالصينية حتى يبردوا بالكامل ممكن تخلينهم في الثلاجة ليلة كاملة
هنا المفروض يكون عندي صحن دوار للكيك يعني احط الكيكة واقدر ادورها بسهولة للتقطيع واضافة الكريمة
انا ماعندي جاتني فكرة اني اشيل قطعة خشب في مكتبتي للتلفزيون تدورة بسهولة ونفعت الفكرة عموما الصحن مو ضروري بس يسهل
قطعت كل ظƒظٹظƒط© من النص افقيا بشكل متساوي
سويت من عندي للكريمة وهاذا اللي عفسها ما اسوت مثل اللي اطمح لة لان القوام ماجى مثل اللي بغيتة
انا استخدمت كاس كريمة خفق+سكر بودرة+3 ظروف دريم العلالي+100مل لكل ظرف
مرة ثانية باخلية 70مل علشان يصير قاسي وبعدين بردتة بالثلاجة
بنتي تجنن علية حتى بالخلاط ماخلتها لحالها
هنا حطيت طبقة كريمة في اول طبقة وكوني كريمة زيي في لكريمة شفتوا اللي زي السكينة اللي بالصينية هاذي لتسطيح لكريمة تسهل انبساطها وتخليها سيدة وبدون مطبات
طبعا مو الحين تكبطيها زين هنا بترص بكقة ثانية وثالثة
هنا سويت 3 طبقات بس وفية كانت فتة ورقعتها بقطعة كيك
الطبقة الاخيرة اعلى الكيكة واللي بيشوفوة الناس سوية مسطح ومتساوي قد ماتقدري
سويت قلوب من الفوندان
وهاذي النهاية
ارجوا الدعاء لي والرد لاني تعبت من ها الكيكة وشغلها وتنزيلها
