معطل حياتها
أقولها وأقول لنفسي قبلها
محد بالدنيا يستاهل !!
ولا شي بالدنيا يستاهل
الدنيا ماتساوي جناح بعوضه
انتي ومشاكلك واحزانك وافراحك وبلاويييييك كله ما يساوي جناح بعوضه
محد يستاهل اصيح عشانه ولحد يستاهل احزن عشانه واوقف حياتي لعيونه
الدنيا يابنات فاانيه
يعني بيوم من الأيام بموت وبيحطوني بالقبر
وبنسأل
وش بقول
وش بقول ؟؟
انت يارب بليتني وانا كانت عندي بلاوي عشان كذا ماطعتك
يارب كانت عندي مشاكل وتعطلت حياتي وقعدت مثل الغبية ابكي عليها
يابنات الدنيا تمشي
وإذافي توقف
فهو احنا اللي واقفين
القي كل همومك ورا ظهرك وخلي شعارك
محد بالدنيا يستاهل
الدنيا عندالله جناح بعوضه
يعني حقيييره
احتسبي كل بلاء عند رب العالمين
واحمدي ربك على كل نعمه انتي عايشتها
حنا في نعمه والله مو حاسين
الناس ..!! 
الناس عامليهم بذوق وإسلوب .. وزي ما علمتك امك من يومك صغيره
سوي خير .. سوي خيييير ولا تنتظرين رد من احد
او اعتبار من احد .. اذا بتسوينه سويه لنفسك .. لك إنتي عشان تعيشين مرتاحه
وترا الدنيا دواره كما تدين تدان .. ربي ما ينسى ظلم !!
طنشي طنشي طنشي ..!!
فلانه تحش فيك فلانه تتكلم فلانه ما تحبك ..!!
خليها حلالها .. هو احسن بعد خففت علي ذنوبي. وعطتني من حسناتها
تعلمي التطنيش والبرود وتوقعي انك تنصدمين .. وكل ما انصدمتي بأحد كل ما صرتي اقوى
كل ما صارت تجاربك وخبرتك الاجتماعيه أحسن وأحسن .
رمت عليك كلمه .. عادي ولا كأني سمعت .. ان دل يدل على قلة ذوقها وتهذيبها ..
كشرت بوجهك 
.. ابتسمي 
!!
واذا رفعت صوتها 
.. وطي صوتك 
.. !
واذا اتجنبتك 
.. تجاهلي وجودها 
…
"وترا ما طاح من النجوم اخف للسمـاء
دموعك !! 
دموعك ومشاعرك تراها اهم واغلى شي عندنا احنا البنات وهي الي تتحكم بنفسيتنا وأفعالنا..
العافيــه !!
كافي انك تمشين وتحركين يدينك ورجولك
مافكرتي يوم تقولين الحمدلله !!
يارب اني أمشي مو أتسحب من كرسي لسرير وأشوف نظرات الشفقه تحرقني
احمدي ربك على كل نعمه انتي فيها .. الحمدلله !!
المال ..!
تاكلين تشربين تشترين تتسوقين تلعبين بالفلوس بيدينك ورجولك عايشه بأمن وأمان
وتقولين يارب وش هالدنيا
فلانه ضيقت صدري وعلانه سوت
وواختي سببت لي مشكله ولا أمي ولا أبوي
أنا ما أبي الدنيا كرهت العالم!
إذا عندك هم صلي ركعتين واطلبي ربك يفرجها
لاتذلين نفسك لخلقه
ترى كلهم ضعاف
ما راح يسوون لك شي
واحتسبي الأجر
احمدي ربك حتى على البلاء
ان ربي بيكفر لك به ذنوبك
اللي يشوف أهل البلاء يوم القيامه يتمنى ان جسده قرض بالمقاريظ
حنا المرض الخفيف ما نتحمله
احمدي ربك على كل بلاء
لأنه خير والله لك
وانتي اللي في النهايه بتلاقينه حسنات
ولأن الدنيا ماااشيه
وبتنتهي بيوم من الأيام
ماراح يبقى إلا عملك
حنا يابنات همومنا موقفتنا عن كل شي
ماعندنا غير نندب حظنا
وعملنا
ودينا
ماسوينا شي
يابنات أنصح نفسي قبلكم لأني الله يعلم بتقصيري !
وقلة صبري ..!!
وضعفي ..!!!
نبي كل شي لنا وإذا نقصنا شي
تركنا كل اللي عندنا وقعدنا ننوح طول حياتنا على الناقص
إذا ارتفعت حرارتي ماتحملت وقعدت أصيح طول الليل
و بلال كان يضرب بالصخرة العظيمه الحاره بصحراء مكه
وهو يقول
يابنآت فكروا بس وش سويتوا ؟
وشو البلاء العظيم اللي مريتي فيه واللي بيكفر لك ذنوبك ؟
هذا طبعاً إذا احتسبتي الأجر وماكسبتي زيادة سيئات بالقنوط
وسوء معاملتك لاهلك والناس !
ابتلاء في أمك وخواتك؟
مشكله مع صديقه؟
جفاء شخص تحبينه؟
مشكله مع زميلة دراسه-عمل؟
حالتك المادية سيئه؟
فيك مرض مزمن خطير؟
أقول في كلا الأحوال احمدي ربك
احمدي ربك إذا أصابك احد الإبتلاءات إن ربي رفع عنك بقيتهم
إذا أصبتي بالتهاب في الحلق فاحمدي الله أنك لم تصابي بسرطان في البلعوم
وإذا أصبتي بمرض في القلب فاحمدي الله أنك لم تصابي بمرض القلوب الأعظم ( الكفر )
وإذا أصبتي بمرض في عينيك فاحمدي الله أنك لم تصابي بالعمى
حنا في نعمه
ليه نجحدها؟
ليه ننكرها؟
ونخلي ربنا يسخط علينا
ربي رحيم
كريم
يعطي ويداه مبسوطتان
وحنا ..!!
نشكي لفلان وعلان
محد بينفعك
وإن نفعوك فإن ربي هو اللي يسّر لهم !
في الثلث الأخير من الليل كل يوم ربي ينزل للسما الدنيا ويقول
هل من داع فأستجيب له
كل يوم
كل يوم
وحنا كل يوم
وش نسوي !
فكري بجد
قاعده على النت
ولا تسولفين مع صديقتك عالمسن !
ولا تلفزيون ..
ولا نااااايمه
وربك العظيم جل جلاله نازل يسمع مطالب عبده
ربي مايرد إيدينك إن رفعتيها
ربك كريم
عندك مشكله ؟
هو ملاذك
اشكي لــــه
كل شي
مشاكلك الكبيره والصغيره
الصحابه كانو يسألون الله حتى في شراك النعل !!
بتاخذين أجر من إيش؟ مجرد سؤال
وبيبرد على قلبك
ربي ما بلاك إلا لأنه يحبك
ربك قدير يقدر يبلي فلان من الناس وفلان
لكن
اختارك انت
ليه؟
يبي ينكد حياتك؟
لاوالله لأنه يحبك
في أحلى شعور من هذا =’) !!
بلاءك مايزيد من ملكه شي سبحانه
ولا ينفعه بشئ
ينفعك انت
ربك يحبك
يبي يجمع لك رصيد
تلقاه بعدين
ربك هو اللي بلاك ماتستحين تشكين لغيره ؟ 
وتعصينه وهو أكرمك بابتلائه؟
أسأل الله أن يرفع عن كل قارئه كربها ويفرج لها كل ضيقه ويفتح على قلبها ويهديها وييسر أمرها ويكشف ضرها إنه سميع سبحانه مجيب الدعاء
إن رباً كفاك ماكان بالأمس
سيكفيك في غدٍ ما يكون
إنتهـــــــئ ،،
