السلام عليكم
صار لي فترة طويلة ما دخلت المدونة و حابة اليوم أتناقش معاكم في موضوع مهم من وجهة نظري على الأقل
إيش رأيكم لو الزوج يقول لزوجته إنه ما يحب ط§ظ„ظ…ظƒظٹط§ط¬ أو إنه ما يفضله و يحب شكلها كذا بدونه ؟؟
أقصد هل تصدقه و تصير ما تحط مكياج و لا إيش تعمل ؟؟
أنا زوجي يقول لي دائما إني أحلى بدون مكياج و إنه يعجبه شكلي كذا أكثر .. و أنا بشكل عام ما أحط مكياج دائما بس الروج و الكحل بحطه كل يوم طبعا .. و حتى لمن أعمل مكياج بحب يكون خفيف و مش ثقيل مرة
أنا أبغى رأيكم في الموضوع لأني ساعات بيوسوس لي الشيطان و يقول لي إنه بس كلام عشان و عشان ……… إلخ
أتذكر إني تناقشت مع بنات و حريم حول هذا الموضوع و تفاوتت آرائهم في هذا الموضوع .. و من كلامهم :
شكلوا ط²ظˆط¬ظƒ بخيل و ما يبغى يشتري لك مكياج هههههه
لا تصدقي كلامه بعدين يتزوج عليك و يقول إنك ما كنتي تهتمي بشكلك و تحطي مكياج
ما دام يعجبه كذا خلاص أطيعي كلامه .. ليش أصلا يقول لك كذا أكيد صادق
معاه حق أنتي أصلا بشرتك صافية و ما تحتاج شيء ما شاء الله
هم الرجال كذا يقولوا حاجة و يعملوا حاجة ثانية عشان يطلعك أنتي الغلطانة
و كلام غير كذا كثير ما يحضرني الصراحة الآن
أنا بصراحة مصدقة زوجي .. طيب ليش يكذب علي لو يحب أحط مكياج ليش يقول غير كذا
دوختكم معاي صح ؟؟ بس هذا موضوعي و أنتم إيش رأيكم ؟؟
تحياتي 
