أنا جديدة بالمدونة .. حبيت مواضيعكم وسمعت قصص وتعلمت من المدونة كتير شغلات انا كنت غافلة عنها
بتمنى اني اقدم كل اللي عندي لحتى تستفيدو واحنا نستفيد
أنا آسفة..!!
شو معنى كلمة انا اسف؟؟؟
كتير منا لما بيغلطو وبدهم يعتذرو عن غلطتهم بقولو : انا اسف
ليش؟؟؟؟
الاسف مو كل شي بهالدنيا
انا تعلمت من هالدنيا انه الواحد لما بدو يعتذر لشخص عزيز عليه يعتذر بالتعامل مو بالكلام
تعلمت اذا انا غلطت ما اقول أنا آسفة لاني اذا حكيت انا اسفة وانتهى الموضوع شو رح استفيد ؟؟ اكيد الشخص العزيز علي رح يتقبل أسفي بس رح يضل حاطت بألبو انه كان يوم من الايام زعلان مني بسبب موقف عملته
بالعكس .. انا بفضل انه الشخص لما يعتذر .. يعتذر بالتعامل لحتى يخلي الشخص ينسى الموقف ويسامح .. ويعرف مدى معزته عند الطرف الآخر
انا كنت بالاول كل ما اغلط أقول انا اسفة انا اسفة وبعدين؟؟؟ شو النتيجة؟؟؟ ولا شي .. ماتعلمت من غلطي شي
بالعكس تعلمت انه كل ما اغلط اقول انا اسفة .. وتعودت على هالشي وعرفو انه مهما لو غلطت رح اضل اعتذر وارجع لغلطي متل أول.. وبعدين فكرت بنفسي شوي وحكيت .. ليش ما اتعلم من غلطي ؟؟؟
فكرت انه انا لما اغلط مع الانسان اللي بعزو وبحبه وبحترمه اعتذرلو بالتعامل
اعمل كل شي بيرضيه واسمع منه واتعلم منه واخليه يعاتبني ويلومني على غلطي لحتى اتعلم
مو اني اقول كلمة اسفة وينتهي الموضوع وما اتعلم
صرت كل ما اغلط .. اعتذر بتعاملي ولئيت اهلي بدأو يعتزو بهالشي وصارو يعرفو مين انا كيف كنت وكيف صرت
عرفو انه الاسف مو بالكلام .. الاسف بالتعامل
يا اختي العزيزة
انا حابه افيدكم وتفيدوني .. انا فعلا مابتعلم من غلطي الا اذا تعاملت مع الشخص واعتذرتلو بأسلوب تاني غير الاسف
ليش ما تكوني انتي هيك؟؟ ليش مايقولو عنك الناس انه انتي انسانه رائعة بداخلك
ليش ما تخلي الناس يتعلمو منك من تعاملك الهم؟؟
بتمنى اني قدرت اوصلكم المعلومه صح
وحابة اتناقش معكم هاد الموضوع .. واعرف مين بأيدني بهاد الشي ومين ضدي
لحتى كل وحده فينا تتعلم من التانية
وانا ممكن اسمع منكم انتقاداتكم وارائكم وكلي أذن صاغية
وشكرا لكم وانتظر ردودكم 
[/align]
